Los cargadores dos móbiles

Os cables dos cargadores dos móbiles foron sempre diferentes segundo a marca do teléfono. Isto fai que con cada novo terminal que se compra sexa necesario obter un novo cable, que adoita vir incluído por sorte.

As maiores compañías de telefonía móbil, puxéronse de acordo para crear un adaptador estándar, que ademais aforre ata un 50% de enerxía. Se ademais non regalan un novo con cada móbil, se conseguira producir unha menor cantidade de desperdicios.

Un respiro

Ou dous máis ben, dos que vos veño a falar. O primeiro é o que me tomei escribindo no blog este último mes xa que estiven sacándome o carnet de conducir, polo que se me xuntaron exames con prácticas e non tiven tempo para escribir.

O segundo é o que nos está dando o tempo, xa que logo dun par de anos de continuada seca ata no inverno, presentándosenos un no que por fin está habendo precipitacións.

Pero recordade que para que isto siga sendo así temos que mellorar día a día os nosos hábitos en busca da sostenibilidad.

PD: a, e, que teña carnet non quere dicir que vaia a derrochar agora. Seguirei usando sempre que poida o transporte público, pero gozarei de mais autonomía sobre todo en rutas menos flexibles para os buses.

Documental de National Geographic

A moto de hidróxeno

Oímos falar xa de moitos coches eléctricos, híbridos, que funcionan con hidróxeno... Pero se nos escapaba o sector das dúas rodas. Ata agora non houbo moito movemento no sector das motocicletas pero Suzuki sacou un prototipo de moto que se move grazas a unha cela de hidróxeno e cunha autonomía aproximada de 200 km. Ademais da pila de hidróxeno dispón de batería de litio. A ver que pasa con este modelo, sería interesante que chegase ó mercado e que outras marcas copiasen a idea dunha moto mais verde.

TimeToLead

Hoxe recibín un correo falando sobre unha asociación formada por Greanpeace, WWF,
Climate Action Network (CAN) e Amigos da Terra que se están dedicando a solicitar aos gobernos europeos que na reunión que van manter o día 11 de decembro tomen decisións satisfactorias en defensa do medio ambiente. A plataforma chámase Time To Lead e a proposta que nos fai sobre mandar un email aos nosos políticos pedíndolles que defendan propostas sostibles parece bastante interesante. Cun pouco de sorte non farán oídos xordos tomando as decisións que máis lles conveña e tomarán a decisión de xeito correcto.

Na reunión do día 11 trataranse decisións de carácter medioambiental a nivel da UE, pero se de verdade queremos loitar contra o cambio climáticos, habería que intentar falar tamén con países como Chinesa ou India que están comezando a despegar e que non vixían absolutamente as súas emisións contaminantes á atmosfera.

Menudo temporal

Si, menudo temporal o que nos asola estes días sobre todo no Norte. Parece que en contraste con anos anteriores, sobre todo o último, este ano a neve esta destacándose pola súa abundancia dende o principio. As estacións de esquí abriron antes de tempo e o frío e a choiva acompáñanos a diario. O peor é o que temos que sufrir estes días nos lugares nos que padecemos o frío pero non podemos gozar da neve.

Por sorte ademais esta abundancia de precipitacións está evitando que se produzan situacións como a do ano pasado, que resulto bastante impactante en Galicia onde a finais de decembro aínda non caera unha soa pinga dende o verán. Parece que por agora o tempo estanos mostrando a súa boa cara e recordándonos que é o que poderiamos manter se non nos dedicamos a esnaquizar o noso planeta.

Déixovos cunha fotografía miña de O Cebreiro no inverno pasado.

Unha festa ecolóxica

Esta semana eu son o anfitrión de Unha Festa Ecolóxica, promovida por Un Blog Verde. Este evento trata de fomentar o ecoloxismo e a concienciación dos problemas de non respectar o medio ambiente.

Empezarei falando doutro blog que participará nesta festa, Enerxías Renovables, que aborda un tema moi importante xa e que o será moito máis co paso dos anos por desgracia.

Dende Calentamento Global temos, lamentablemente, ben ilustrados os datos do desxeo do Ártico.

En Ecoinventos podemos atopar bastantes cousas curiosas, como para empezar algún novo modelo híbrido ou outro eléctrico. Móstrannos tamén inventos que serán útiles como os tubos fotovoltaicos que mellorarán a transformación de enerxía solar en enerxía eléctrica. Ensinarannos tamén un invento útil que so as pilas recargables mediante USB e tamén un invento moi curioso que é a corbata solar. Para os manitas tedes as instruccións para construir un calentador solar.

Dende o blog organizador de este evento, Un Blog Verde, falannos dos problemas de contaminación nas grandes urbes, como é o exemplo que eles poñen de México.

Por último, en Pensando `N´ Verde poderás atopar uns cantos posts que vos recomendo, como por exemplo como aforrar coa calefacción, unhas interesantes normas a poñer en práctica no noso fogar agora que chega o inverno. Tamén cabe mencionar o programa da ONU unha persona unha árbore. Por último animarvos a seguir 10 sinxelos consellos para aforrar auga.

Saúdos, e gracias por participar desta festa ecolóxica.

Que maña sexades máis verdes, e pasado aínda máis.

Como aforrar coa calefacción

O Instituto para a Diversificación e Aforro da Enerxía (IDAE) publicou hoxe unhas recomendacións para aforrar diñeiro y enerxía coa nosa calefacción. Son os seguintes:

• Abra as fiestras o tempo necesario para ventilar as habitacións. En condicións normais bastan dez minutos para renovar o aire.
• Apague a calefacción pola noite e non a encenda pola mañá ata que a casa estea ventilada e se haxan pechado as fiestras.
• Peche os radiadores que non precise para manter o benestar na casa e apague completamente a calefacción se vai a estar fora de casa máis dun día.
• Instale burletes e adhesivos en portas e fiestras, aforrará entre un 5% e un 10% de enerxía.
• Poña se é posible dobres fiestras ou dobre acristalamento; aforrará un 20% de enerxía. Teña en conta que o 40% das fugas prodúcese por fiestras e cristais.
• Instale válvulas termostáticas nos radiadores, ou un regulador para a caldeira.
• Manteña a temperatura entre os 20º e 22º C.
• Non abuse da calefacción, ademais de ser prexudicial para a saúde, cada grado que aumenta a temperatura consome entre un 5% e un 7% máis.
• Saiba que para durmir pode ser suficiente unha temperatura de entre 15º e 17º C, aínda que os nenos e persoas maiores poden necesitar un pouco máis de calor.
• Se fai algunha reforma en casa, pense na posibilidade de instalar algún illante en teitos e paredes.

A todo esto eu engadiría un par de consellos máis:

• Non teñas encendida a calefacción mentres non esteas na casa. É recomendable ademais ter un temporizador se quérese ter a casa quente antes de chegar.
• Se dispós dos medios, sería unha gran idea colocar na túa casa placas solares que quentarán a auga e faranche aforrar moito diñeiro en canto recuperes a inversión.
  

Un moi bo exemplo

Vou coller o autobús, saco a carteira para coller diñeiro, pero me dou conta de que estou en Aubagne. ¿E preguntárdesvos que pasa? Pois que desde o próximo ano, o transporte público será gratuíto nesta cidade francesa.


Ver mapa más grande

Dende a administración local déronse conta de que co subvencionado que estaba o transporte de masas é mellor facelo totalmente gratuíto. En total os ingresos polo cobro de billetes representan só un 9% do total de diñeiro empregado no transporte público alí. O resto de diñeiro pono a administración pública mediante subvencións, así que se decidiron a aumentar o orzamento só en 700.000 euros, que é ese 9% e o motivo da decisión.

En Aubagne seguen o exemplo doutras localidades francesas de menos de 100.000 habitantes como Compiegne, ao norte de Parides e pionera nesta boa medida, e Châteauroux que comezou con este sistema en 2001.

Oxalá se puidese estudar esta medida para cidades españolas, xa que esta medida reduce a contaminación, os atascos...

Unha festa ecolóxica

Pensando`N´Verde vai participar na festa ecolóxica que organizan dende Un blog verde para toda a blogosfera e internautas en xeral.

Para iso o blog será o anfitrión de noticias de ecoloxía de varios blogs elixidos pola súa boa calidade e contidos. Isto ocorrerá o 4 de novembro (martes) e pasándovos por aquí poderedes enlazar con todos eses posts.

Así mesmo penso aportar para outros blogs algúns posts meus, algún utilizado xa e outros por propoñer, como poden ser os consellos para aforrar auga que recomendo seguir.

Así que vos invito a pasar por aquí o día 4 e a participar da festa nos outros blogs tamén. Pero sabede que estades invitados a ler Pensando`N´Verde sempre que queirades.